هو ايه النظام؟

هي محاولة لتوصيف النظام المصري ... ايه.. الكلام كلكع ماشي هاتكلم عربي بص يا سيدي أنا عايز ببساطة أقول رأيي في اللي مخلي المصريين تحكموا بالشكل ده و الناس دي . الوضع غريب فعلا احنا لوقتي عندنا مجموعة صغيرة فاسدة بتحكم الناس اللي%80 منهم بتكره المجموعة دي وتاعبانا من الحكم ده وكله بيتكلم ويشتكي في البيوت والمصالح الحكومية والمصانع و الميكروباص و الأتوبيس و في كل حتة والحكم برضه مستمر ..من26 سنة..و بيخربهاكل يوم زيادة..و محدش قادر يغير حاجة ..الأغلبية بتحب الأسلام و متدينة ...و البلد ما بتتحكمش بالأسلام ..الناس كلها بتكره الصهاينة و هتولع من اللي بيحصل ففي فلسطين ...و الكويز شغالة و التطبيع شغال و السفارة المحروسة تفقع عين كل اللي يعدي كوبري الجامعة و مدير المخابرات عمر سليمان يتصور في التليفزيون و هو بيحضن بن يامين بن ال عازر سفاح الأسرى و المنسحبين المصريين في حرب 67 و ...شغال...ومصر مش قادرة تفتح معبر رفح لاخواننا المحاصرين في غزة لحد دلوقت ..شغال..وكله شششششششش..ايهده ايه اللي بيحصل ده 70 مليون واحد مش قادرين يفرضوا ارادتهم طب ازاي بكرة نشوف

عدناااااااااااااااااااا

دي أول مرة أكتب من عيد الفطر فكل سنة و انتوا طيبين ولو انها متأخرة و ان شاء الله هنعمل أحلى شغل و هنضغط في سبيل إصلاح البلد دي بنور الإسلام لحد منجننهم و نروح في داهية كلنا !!!! بس مش مهم كله فسبيل الله ثم مصر -اللي هي أمي - يهون وربنا سبحانه وتعالى خلفنا عشان نعبده جل في علاه و لتعمير الأرض , فمستحيل نسيبها للفاسدين اللذين خانوا أمانة الله عز و جل رايحين جايين من غير ما نزعجهم حتى!!!!

الايمان أولا

في رأيي عدم معرفة الله عز و جل حق المعرفة هو السبب الرئيسي في ضعف المسلمين و تخبطهم فان الذي لا يعرف ربه لا يستطيع أن يضحي في سبيل أي قضية و الذي يعرف ربه سبحانه وتعالى حق المعرفة تهون حياته عنده في سبيل رضا ربه و بالتالي فان المهمة الملحة لآن على كل الغيورين أن يعرفوا الناس بربهم جل وعلا و ان يوقظوا اليمان المخدر في قلوبهم و ساعتها ستشتعل قلوبهم نارا على ما يغضب الله و سيجبروا الظالمين على الرحيل

ناهد و عصر مبارك

ناهد توفيق. مواطنة مصرية بسيطة .. تفاصيل المكان تجيبها ممكن من عدد الدستور اليومين اللي فاتوا ..دا مش مهم ..المهم مغزى القصة ..الأم دي هي وبناتها التنين اللي زي العسل وقعوا في ايدين واحد من البلطجية و قطاع الطرق الرسميين اللي لابسين بدل و بيسموهم الشرطة.. اتمسكت بحقها ادام كلب منهم فاتموها بمقاومة السلطات و خدوها على القسم و هاتك يا ضرب و شتيمة و تعذيب ادام ولادها و بعدين جابوا أختها واخوها و كانوا هيخلعوا لأختها ملابسها ..اخوها وطى على رجل الكلب باسها قاللو هاسيبها وا لفألك قضية سرقة سيارة ..وافق الأخ و كان ه يمضي على محضر السرقة لكن صاحب العربية رفض و....تفاصيل كتير ابقى اقراها في الدستور لكن خليك عارف ان دا واحد من مشاهد الظلم الكتيرة القذرة اللي موجودة في مصر واللي ربنا هيحاسبنا عليها يوم القيامة .. وانا لله و انا اليه راجعون

السلام عليكم انهاردة أول مرة أكتب في المدونة دي بسبب مشاغل كتير آراءي هتكون غريبة لناس كتير لكن معلش مانا مخي تاعبني زي ما قلتلكم و هو مين يعني اللي مخه ما يتعبوش من حالنا.. نهايته.. تابعوني